ក្តាមស្រែថែខ្លួនពេលនៅស្រែ
ពេលដែលមានម៉ែពុកប្រដៅ
ដាស់តឿនព្រឹកល្ងាចកុំអោយខ្លៅ
កុំអោយគិតទៅផ្លូវផ្តេសផ្តាស ។
ពេលបានចូលក្រុងឈ្លក់ភ្លើងព៌ណ
ឈ្លក់នឹងលំអក្រុងឆើតឆាយ
ឈ្លក់នឹងភាពមានភាពសប្បាយ
ភ្លេចកំនើតកាយនៅស្រុកស្រែ ។
ភ្លេចហើយភ្លេចពាក្យម៉ែផ្តែផ្តាំ
ថាចូលកូនចាំណាមាសស្ងួន
កូនជាកូនស្រីត្រូវថែខ្លួន
រក្សារូបកូនកុំអោយធ្លោយ ។
ក្តាមស្រែពេលនេះភ្ញាក់រលឹក
ពេលដែលមានទុក្ខមកក្បែកាយ
ទើបតែចេះនឹកឃើញហើយស្តាយ
ឈ្លក់ភាពសប្បាយភ្លេចសិក្សា ។
ក្លាយខ្លួនជាជនសង្គមស្អប់
ពេលចង់ត្រលប់ខ្លួនកែប្រែ
ក៏ដូចជាហួសពេលណាស់ដែរ
មិនអាចកែប្រែអតីតកាល ។
តែរឿងដែលវាកន្លងទៅ
កុំទុកហ្មងសៅណាក្តាមស្រែ
គួរខំរិះរកហើយខំកែ
ជីវិតថ្មីដែលល្អប្រសើរ ។
ស៊ូឡើងក្តាមស្រែកុំអាលឈប់
បន្ទាប់ពីយប់មេឃគង់ថ្ងៃ
ក្រោកឡើងខំឡើងកុំគិតខ្លី
គង់តែមានថ្ងៃបានភ្លឺស្វាង ។
Thursday, July 3, 2008
សូមស្វាគមន៍
ស្វាគមន៍ៗគ្រប់ប្រិយមិត្ត
ទោះឆ្ងាយទោះជិតក៏មិនអី
អញ្ជើញចូលលេងទាំងប្រុសស្រី
កូននាគក្មេងខ្ចីទទួលរាក់ទាក់ ។
ប្លក់នេះបង្កើតគឺដោយសារ
ម្ចាស់វានេះណាចង់ក្លាយជា
អ្នកនិពន្ធរឿងនិងកាព្យឃ្លា
អោយអ្នកគ្រប់គ្នាផ្តល់យោបល់ ។
រៀបរាប់ពីខ្លួនប៉ុណ្ណឹងចុះ
បើមានទាស់ខុសសូមប្រណី
កូននាគខ្ញុំនេះខ្ចីសេចក្តី
សូមកុំគប្បីប្រកាន់ទោស ។
ទោះឆ្ងាយទោះជិតក៏មិនអី
អញ្ជើញចូលលេងទាំងប្រុសស្រី
កូននាគក្មេងខ្ចីទទួលរាក់ទាក់ ។
ប្លក់នេះបង្កើតគឺដោយសារ
ម្ចាស់វានេះណាចង់ក្លាយជា
អ្នកនិពន្ធរឿងនិងកាព្យឃ្លា
អោយអ្នកគ្រប់គ្នាផ្តល់យោបល់ ។
រៀបរាប់ពីខ្លួនប៉ុណ្ណឹងចុះ
បើមានទាស់ខុសសូមប្រណី
កូននាគខ្ញុំនេះខ្ចីសេចក្តី
សូមកុំគប្បីប្រកាន់ទោស ។
Subscribe to:
Posts (Atom)
